Түгээмэл асуулт хариулт

Та дансаа дараах аргаар нээлгэх боломжтой.

• https://standard.istock.mn/auth/register
• Standard investment аппликэйшн
• Өөрийн биеэр Стандарт Инвестмент ҮЦК ХХК-ийн байран дээр ирж нээлгэх

Хувьцаа гэдэг нь тухайн иргэн ямар нэгэн компанид хөрөнгө оруулж, орлогоос нь хувь хүртэж, ногдол ашиг авах эсвэл хөрөнгийн зах зээл дээр арилжиж ханшийн зөрүүнээс ашиг олох боломжийг гэрчилсэн үнэт цаасыг хэлдэг. Мөн танд хувьцааг нь эзэмшиж буй компанийнхаа хувьцаа эзэмшигчдийн хуралд оролцож, саналаа өгөх эрх нээгдэнэ.

Ногдол ашиг гэдэг нь өөрийн хөрөнгө оруулсан компанийн ашгаас өгөөж хүртэж буй хэлбэр юм. Ногдол ашиг тараах эсэх шийдвэрийг компанийн удирдлагууд гаргадаг. Шийдвэр гаргахдаа компанийн өнөөгийн ба ирээдүйн нөхцөл байдлыг голчлон анхаарна. Хэрэв та тухайн компанийн хувьцааг бүртгэх өдрөөр хувьцаа эзэмшиж байсан бол ногдол ашиг авна.

Бонд нь засгийн газраас төсөл хөтөлбөр, төслийн алдагдлыг санхүүжүүлэх зорилгоор эсвэл ямар нэг компани бизнесээ өргөжүүлэх, шинэ төсөл хэрэгжүүлэх, хөрөнгө санхүүжилт босгох гэж гаргаж буй тодорхой хугацааны дараа үндсэн төлбөр болон хүүгээ эргүүлэн төлдөг өрийн бичиг бүхий үнэт цаасыг хэлдэг. Хэрэв та бонд авсан бол тухайн компанид тодорхой хугацаатай, тогтсон хүүтэйгээр мөнгө зээлж байна гэсэн үг юм.

МХБ-ийн арилжаа Даваа-Баасан гарагийн 10:00–13:00 цагийн хооронд хийгддэг. Та арилжаа хаагдсаны дараа захиалга өгсөн бол дараагийн ажлын өдөр захиалга нь орно. Мөн зах зээлийн захиалгыг бирж хаалттай байх хугацаанд өгөх боломжгүйг анхаарна уу.

Монгол Улсын Засгийн газар 2012 онд «Эрдэнэс Таван Толгой» ХК-ийн нийт хувьцааны 20 хувь болох гурван тэрбум ширхэг хувьцааг 2012 оны 4-р сарын 11-нээс өмнө төрсөн, иргэний шинэчилсэн бүртгэлд хамрагдсан иргэн бүрт үнэ төлбөргүй эзэмшүүлэхээр болсон.

Та ҮЦТХТ дээр өөрийн биеэр бичиг баримттайгаа очин ногдол ашгийн мөнгөний үлдэгдэл байгаа эсэхээ шалгуулах боломжтой.

Та өөрийн 1072 хувьцааны үлдэгдэл болон ямар үнэт цаасны газар байгааг https://net.schcd.mn/registration/ сайтад регистрийн дугаараа бичин шалгах боломжтой. Өөр ҮЦК дээр таны 1072 хувьцаа байгаа бол тухайн ҮЦК-с тодруулах нь зүйтэй. Стандарт Инвестмент ҮЦК ХХК дээр 1072 хувьцаа нь бүртгэгдсэн байгаа бол таны бүртгүүлсэн харилцах дансны мэдээлэл буруу байх магадлалтай. Зөвхөн харилцагчийн өөрийн нэр дээрх идэвхтэй харилцах данс байх хэрэгтэй. Өмнө нь өөр үнэт цаасны дансгүй байсан бол үнэт цаасны данс нээлгэсний дараа Эрдэнэс Таван Толгой ХК-ийн таны эзэмших хувьцаа автоматаар бүртгэгдэн орох болно.

Одоогоор зарах боломжгүй. Эрдэнэс Таван Толгой ХК нь арилжаа эрхлэх байгууллагад бүртгэгдэн, биржийн арилжаагаар хувьцаа нь чөлөөтэй арилжаалагдах боломжтой үед өөрийн эзэмшлийн хувьцаагаа зарах, мөн нэмж авах боломжтой болно.

Та манай байранд өөрийн биеэр бичиг баримттайгаа ирж «Үнэт цаас шилжүүлэх маягт» бөглөснөөр шилжүүлэн авах боломжтой. Шилжүүлгийг ҮЦТХТ хийдэг ба таны үнэт цаас ажлын 1–3 хоногт шилжинэ.

Та Үнэт цаасны төвлөрсөн хадгаламжийн төв дээр өөрийн биеэр бичиг баримттайгаа очин үнэт цаасны үлдэгдэл байгаа эсэхээ шалгуулах боломжтой. Жич: цэнхэр ягаан тасалбараар 1995 оноос өмнө хувьцаа авч баталгаажуулаагүй бол хүчингүй байдаг.

Боломжтой. Та өв залгамжлалаар үнэт цаас хүлээн авах тохиолдолд дараах бичиг баримтыг бүрдүүлнэ.

• Өв залгамжлах эрхийн гэрчилгээ
• Өв залгамжлагчийн иргэний үнэмлэх, түүнтэй адилтгах баримт бичиг
• Нас барсан хүний нас барсны гэрчилгээ
• Өв хүлээн авагчийн өргөдөл
• Гүйлгээний шимтгэл төлсөн баримт